Su’esu’ega faata’ita’i
Va’aiga faafolau i mea e ono mafaia i Saute i Sisifo o Sini
O le a le su’esu’ega faata’ita’i?
O su’esu’ega faata’ita’i, o su’esu’ega faafoma’i e auai iai tagata i le loto malie, e faata’ita’i ai togafitiga fou faafoma’i, ina ia puipuia, iloa, togafitia pe pulea ai auga o faama’i ‘ese’ese poo nisi tulaga soifua maloloina.
O su’esu’ega faata’ita’i, e fesoasoani i le au su’esu’e faafoma’i e faia se faai’uga poo se togafitiga e:
Aogā
Saogalemu
Lelei atu nai lo le togafitiga o iai nei
O ai e faafoeina su’esu’ega faata’ita’i?
O tagata su’esu’e e faafoeina su’esu’ega faata’ita’i e o mai i matātā ‘ese’ese, e aofia ai falema’i ma isi matātā soifua maloloina, iunivesite, ma kamupani gaosi vaila’au o togafitiga.
O le saogalemu ma le soifua manuia, e silasila toto’a iai le ‘au su’esu’e ma e va’ava’aia au’ili’ili tagata uma e auai i le faata’ita’iga.
O ai e mafai ona auai i se su’esu’ega faata’ita’i?
O le faata’ita’iga o togafitiga fou, e mana’omia ai tagata e auai i lo latou loto malie, o loo a’afia i ni gasegase poo se tulaga o loo faasino tonu iai se togafitiga. O le auai i se su’esu’ega faata’ita’i e faia atoa i le loto malie ma e aofia ai tagata i soo se matutua (mai tamaiti laiti e oo i tagata matutua) i soo se tulaga o a’afiaga i se gasegase poo seisi tulaga.
O tagata uma e auai i su’esu’ega faata’ita’i e mafai ona faamavae i soo se taimi e aunoa ma se a’afiaga i le tausiga faafoma’i o loo latou mauaina, poo lona va ma lana foma’i. E ‘ova i le 200 su’esu’ega faata’ita’i fou o loo faafoeina nei i Saute i Sisifo o Sini.
Talanoa i lau foma’i pe mafai ia te ‘oe poo seisi e pele ona auai.
Fia silafia atili?
Resitara iinei e maua atu ai nisi faamatalaga i auala e maua ai su’esu’ega faata’ita’i i lou pitonu’u.
Faafoeina o su’esu’ega faata’ita’i
I Ausetalia, o su’esu’ega faata’ita’i uma ua faatagaina, e pulea i ta’iala faautauta ma aiaiga amio pulea ina ia puipuia ai tagata auai i le faata’ita’iga atoa ai le faatuatuaina o le su’esu’ega. O suafa ma faamaumauga o tagata auai i le su’esu’ega faata’ita’i, e malu puipuia ma le faailoaina.
La’asaga 1
E muamua faata’ita’i e le ‘au su’esu’e se togafitiga i le nofoaga su’esu’e ma faia ai se faai’uga poo lea togafitiga faata’ita’i e foliga aogā ma talafeagai ona faata’ita’i e tagata.
La’asaga 2
Faavae se su’esu’ega faata’ita’i e fa ona vaega e fesoasoani i le ‘au su’esu’e i le aoina o faamatalaga e faatatau i le aogā ma le saogalemu o se togafitiga fou.
La’asaga 3
A mae’a loa se su’esu’ega faata’ita’i, ona iloilo lea e le ‘au su’esu’e faamaumauga na aoina ma faia ai se faai’uga poo sea togafitiga e ao ina faata’ita’i atili, pe tuuina mo se faatagaga e faaoga lautele.
Se’i vagana lava ua mautinoa o se togafitiga fou e saogalemu ma aogā, ona faato’a iai lea o le avanoa e avea ai ma se tasi o togafitiga e filifilia mo se gasegase poo seisi tulaga.
o le clinicaltrials.org.au ua mafai ona faamaopoopoina ma le faafetai i le
©2017 Clinical Trials. O se faiga na amata mea ai le Ingham Institute. E taofia uma Aiā | Aiaiga o Puipuiga