Aiaiga i faamatalaga puipuia

O le Ingham Institute e tausisia Aiaiga i Faamatalaga Puipuia o loo i le Tulafono, le Privacy Act 1988 (Malō Taupulega) ma lona Teuteuga, le (Enhancing Privacy Protection) Act 2012 (Malō Taupulega).

E utagia e le Institute le ono iai o ni popolega i le puipuiga. A e filifili e faaoga lenei itulau i le ‘upega fesoota’i, o le a matou taumafai e teu malu ou faamaumauga faaletagata mai le faaogaina sesē, faailoaina atu, suia pe faatama’ia. E ui i lea, e le mafaia e le Institute ona avatu se ta’utinoga mautu e faatatau i le puipuiga o faamatalaga faaletagata, ma e le tu’ua’ia ai i le tulafono pe a le malu le puipuiga poo le leiloa pe faaalia ni faamatalaga i ni mafua’aga le ma’alofia.

E faia uma taumafaiga i le malosi e mafai ai ina ia mautinoa le sa’o ma le faatuatuaina o faamatalaga i lenei itulau i le ‘upega fesoota’i. A e asiasi i nisi itulau mai faasinoga i le itulau a le Institute, e taua ona e silafia o ia itulau e le aofia i aiaiga o puipuiga e pei ona faatulagaina i lalo o aiaiga puipuia a le Ingham Institute. Faamolemole faitau faamatalaga o puipuiga ma aiaiga o loo i nisi o ia itulau i le ‘upega fesoota’i ae le’i faailoaina iai ou faamaumauga faaletagata.

O faamatalaga mo galuega su’esu’e soifua maloloina i le Ingham Institute e le aofia i aiaiga nei o le puipuiga. E tofu le galuega su’esu’e ma aiaiga puipuia e faatatau i tulaga tala feagai faaletagata, auala e faatino ai ma aiaiga e pulea ai lea galuega su’esu’e.

E mafai e le Institute e aunoa ma se faasilasilaga, ona teuteu pe suia lenei Faamatalaga o Aiaiga Puipuia i luga o le ‘Upega Fesoota’i, e auala i se faaaliga i luga o lenei itulau i le ‘upega.

Faamolemole kiliki i le pusa lenei e te silasila ai se kopi o Aiaiga Puipuia.

Aoina o Faamatalaga

Mai lea taimi i lea taimi, e ono aoina e le Ingham Institute faamatalaga faaletagata mai tagata o loo auai pe o iai ni so’otaga ma polokalame poo galuega faatino a le Institute. E aofia ai, ae le faapito tonu, i semina ma faaaliga, galuega su’esu’e, galuega su’e tupe, tafaoga, ma faatasiga faaletausaga.

O faamatalaga e aoina i luga o se pepa i le ‘upega fesoota’i, ma o le a logoina tagata i le taimi e aoina ai ia faamatalaga. O faamatalaga e aoina, e le au’ili’ili, o ni vaega e mana’omia mo le faatinoina o polokalame ma galuega faatino a le Institute, ma e ono aofia ai faamaumauga faaletagata, tuatusi, numera o telefoni ma tuatusi i le imeli. Pe a mana’omia, e ono aoina fo’i faamatalaga i mataupu i tupe.

E ui o le a uia uma e le Ingham Institute la’asaga tala feagai e mautinoa ai o faamaumauga faaletagata e aoina ma faaogaina o loo sa’o, ato’atoa ma le suia mai aso ua mavae, o le sa’o moni o nei faamaumauga e faalagolago i faamatalaga e te tuuina mai. Ina ia sa’o i le taimi nei ou faamaumauga faaletagata, faamolemole logo mai ni suiga pe a o iai.

Teuina ma le Faaogaina o Faamatalaga

E ono faaogaina e le Ingham Institute isi ‘au’aunaga i masini computers e teu ai faamaumauga a le Institute i a latou masini computers.